પર્સનલ ડેટા પ્રોટેક્શન બિલને કેન્દ્રીય કેબિનેટની લીલી ઝંડી

પર્સનલ ડેટા પ્રોટેક્શન બિલને સંસદમાં ચોમાસુ સત્રમાં લાવવામાં આવી શકે છે

નવી દિલ્હી

આજે યોજાયેલ કેબિનેટ બેઠકમાંથી એક મોટા સમાચાર આવી રહ્યા છે. કેન્દ્રીય કેબિનેટે પર્સનલ ડેટા પ્રોટેક્શન બિલને લીલી ઝંડી આપી દીધી છે. અહેવાલો અનુસાર, કેબિનેટે આ અંગે પોતાની સંમતિ આપી દીધી છે. પર્સનલ ડેટા પ્રોટેક્શન બિલને સંસદમાં ચોમાસુ સત્રમાં લાવવામાં આવી શકે છે.

કેન્દ્રએ ગયા વર્ષે નવેમ્બરમાં ડ્રાફ્ટ પર્સનલ ડેટા પ્રોટેક્શન બિલ પ્રકાશિત કર્યું હતું. ઘણા સમયથી આની રાહ જોવાઈ રહી હતી. આ બિલનું અગત્યનું સંસ્કરણ વ્યક્તિગત ડેટા પર કેન્દ્રિત છે. આમાં, બિન-વ્યક્તિગત ડેટાના ઉપયોગને નિયંત્રિત કરવાની જરૂરિયાત સમાપ્ત થઈ ગઈ છે. આ સંસ્કરણ જણાવે છે કે, ડેટા ફિડ્યુસિયરી ચાઇલ્ડ ટ્રેકિંગ અથવા વર્તણૂકીય દેખરેખ અને બાળકોને નિર્દેશિત જાહેરાતમાં સામેલ થશે નહીં. જો આ સૂચનાનું પાલન કરવામાં આવશે નહિ તો 500 કરોડ રૂપિયા સુધીનો દંડ ફટકારવાની જોગવાઈ છે.