ઉષા જયસ્વાલ એ 2026-27 માટે FLO અમદાવાદના ચેરપર્સન તરીકે કાર્યભાર સંભાળ્યો
અમદાવાદ
FICCI લેડીઝ ઓર્ગેનાઇઝેશન (FLO) ના અમદાવાદ ચેપ્ટરે 2026-27 વર્ષ માટે ઉષા જયસ્વાલની ચેરપર્સન તરીકે નિમણૂકની જાહેરાત કરી છે. તેમણે આઉટગોઇંગ ચેરપર્સન મધુ બંઠિયા પાસેથી કાર્યભાર સંભાળ્યો છે, જે સંસ્થાના તમામ ક્ષેત્રોમાં મહિલાઓનાં સશક્તિકરણની પરંપરાને ચાલુ રાખશે.
FICCIની સમાજમાં ભૂમિકા
FICCI લેડીઝ ઓર્ગેનાઇઝેશનનો એક ભાગ, FLO અમદાવાદ, મહિલા ઉદ્યોગસાહસિકતા, નેતૃત્વ અને વ્યાવસાયિક વિકાસને પ્રોત્સાહન આપવામાં મહત્વપૂર્ણ ભૂમિકા ભજવે છે. આ ચેપ્ટર એ વિવિધ પહેલો અને કાર્યક્રમો દ્વારા તકો ઊભી કરવા, નેટવર્ક બનાવવા અને મહિલા-નેતૃત્વ હેઠળના સાહસોને સમર્થન આપવા માટે સતત કાર્યરત રહ્યું છે.
મહિલાઓને વ્યવસાય સંચાલનમાં વધુ સક્ષમ અને આત્મવિશ્વાસી બનાવવાનો નિર્ધાર
આ વિઝનને આગળ વધારતાં, ઉષા જયસ્વાલ મહિલાઓ ઉદ્યોગસાહસિકોમાં ક્ષમતા નિર્માણ પર ધ્યાન કેન્દ્રિત કરીને સંસ્થાના પ્રયત્નોને વધુ મજબૂત બનાવવાનો ઉદ્દેશ ધરાવે છે. તેમનો અભિગમ મહિલાઓને વ્યવસાય સંચાલનમાં વધુ સક્ષમ અને આત્મવિશ્વાસી બનાવવા પર ભાર મૂકે છે, સાથે સાથે મહિલાઓ દ્વારા સંચાલિત ઉદ્યોગોને સમર્થન આપવા માટે રચાયેલ સરકારી યોજનાઓ અંગે જાગૃતિ વધારવાનો પણ છે. તેમણે ફિક્કી સાથે જોડાયેલી મહિલાઓ માટે MSME નોંધણીના મહત્વ પર પણ પ્રકાશ પાડ્યો, કારણ કે તે માળખાગત વિકાસ, નાણાકીય તકો અને નીતિ લાભો મેળવવામાં મદદરૂપ થાય છે.
આવકમાં પારદર્શિતા જરૂરી
નાણાકીય જાગૃતિ અંગે વાત કરતાં, ઉષા જયસ્વાલે ભારપૂર્વક જણાવ્યું કે આવકમાં પારદર્શિતા અને યોગ્ય કર પ્રથાઓ ટકાઉ વ્યાપાર વિકાસ માટે અત્યંત આવશ્યક છે. તેમણે ઉમેર્યું કે આવક છુપાવવી લાંબા ગાળે યોગ્ય અથવા વ્યવહારુ ઉકેલ નથી.
મહિલાઓએ નેતૃત્વ સ્વિકારવાની જરૂર
નવી ભૂમિકા વિશે પોતાના વિચારો વ્યક્ત કરતાં તેમણે કહ્યું, વર્ષો દરમિયાન મારા બેન્ચમાર્ક્સ અને અનુભવોમાંથી મેં ઘણું શીખ્યું છે. હવે વધુ મહિલાઓએ આગળ આવીને નેતૃત્વની ભૂમિકાઓ સ્વીકારવાની અને પોતાની ઓળખ બનાવવાની જરૂર છે. તેમણે વધુમાં ઉમેર્યું, આ જવાબદારી નિભાવવી મારા માટે ગૌરવની વાત છે અને મહિલાઓના નેતૃત્વ, ઉદ્યોગસાહસિકતા અને સામાજિક પ્રભાવ ક્ષેત્રે FLOની પહેલોને મજબૂત બનાવવા માટે યોગદાન આપવાની તક છે.
એવન્યુ 79 કન્સેપ્ટનાં સ્થાપક
વ્યાવસાયિક રીતે, જયસ્વાલ અમદાવાદમાં સ્થિત એવન્યુ 79’ નામના કન્સેપ્ટ ના સ્થાપક છે, જ્યાં મલ્ટી-ડિઝાઇનર કપડાં, આંતરરાષ્ટ્રીય બ્રાન્ડ્સના હોમ ડેકોર અને કેફે ઉપલબ્ધ છે. તેઓ સામાજિક પહેલો તેમજ વિવિધ બિઝનેસ ફોરમ્સમાં પણ સક્રિય રીતે જોડાયેલા છે.
