ડીપીએ ગુજરાત સ્ટેટ રેન્કિંગ ટેબલ ટેનિસ: અભિલાષ રાવલ અને આફ્રૈન મુરાદ ચેમ્પિયન

મૌબોની ચેટર્જી અને રેહાંશ સિંઘવીએ બે-બે ટાઇટલ જીતી છાપ છોડી, ગાંધીધામમાં 600થી વધુ ખેલાડીઓ વચ્ચે 15 કેટેગરીમાં જંગ

ગાંધીધામ

ગાંધીધામ ખાતે યોજાયેલી ડીપીએ બીજી ગુજરાત સ્ટેટ રેન્કિંગ ટેબલ ટેનિસ ટુર્નામેન્ટમાં મેન્સ સિંગલ્સમાં અમદાવાદના અભિલાષ રાવલે શાનદાર કમબેક કરીને ખિતાબ જીત્યો હતો, જ્યારે વિમેન્સ સિંગલ્સમાં સુરતની આફ્રૈન મુરાદે કારકિર્દીનું પ્રથમ સ્ટેટ ટાઇટલ પોતાના નામે કર્યું હતું. ટુર્નામેન્ટમાં 600થી વધુ ખેલાડીઓએ ભાગ લીધો હતો અને કુલ 15 કેટેગરીમાં સ્પર્ધા યોજાઈ હતી.

બે ગેમ પાછળ હોવા છતાં અભિલાષનો યાદગાર વિજય

મેન્સ ફાઈનલમાં આઠમા ક્રમાંકના અભિલાષ રાવલ સામે ભાવનગરના પૂજન ચંદારાણા હતા. પ્રથમ બે ગેમ હાર્યા બાદ અભિલાષે જોરદાર વાપસી કરી અને સાત ગેમ સુધી ખેંચાયેલી રોમાંચક મેચમાં 4-3થી જીત મેળવી ખિતાબ જીત્યો. ટુર્નામેન્ટ દરમિયાન અનેક ઉચ્ચ ક્રમાંકિત ખેલાડીઓને હરાવીને ફાઈનલ સુધી પહોંચેલા પૂજન સામે અભિલાષે દબાણમાં પણ શાનદાર રમત દાખવી હતી.

આફ્રૈન મુરાદે જીત્યું પ્રથમ સ્ટેટ ટાઇટલ

વિમેન્સ સિંગલ્સની ફાઈનલમાં સુરતની પાંચમા ક્રમાંકની આફ્રૈન મુરાદે ભાવનગરની રિયા જયસ્વાલને 4-1થી હરાવીને કારકિર્દીનું પ્રથમ ગુજરાત સ્ટેટ રેન્કિંગ ટાઇટલ જીત્યું હતું. આફ્રૈને પ્રથમ ત્રણ ગેમ જીતી મજબૂત શરૂઆત કરી હતી અને પાંચમી ગેમ જીતી મેચ પોતાના નામે કરી હતી.

મૌબોની અને રેહાંશે જીત્યો ડબલ ક્રાઉન

અમદાવાદની મૌબોની ચેટર્જીએ ગર્લ્સ અંડર-19 અને અંડર-17 એમ બે કેટેગરીમાં ચેમ્પિયન બનીને ટુર્નામેન્ટની સૌથી સફળ મહિલા ખેલાડી તરીકે સ્થાન મેળવ્યું હતું.

યજમાન કચ્છના માત્ર 10 વર્ષીય રેહાંશ સિંઘવીએ પણ અંડર-13 અને અંડર-11 બોયઝમાં બે ટાઇટલ જીતીને ડબલ ક્રાઉન હાંસલ કર્યો હતો.

જુનિયર ખેલાડીઓએ પણ દેખાડી પ્રતિભા

અંડર-19 બોયઝમાં અરવલ્લીના જન્મેજય પટેલે ખિતાબ જીત્યો હતો, જ્યારે અંડર-17 બોયઝમાં દ્વિજ ભાલોડિયા ચેમ્પિયન બન્યા હતા. અંડર-15માં રિયાન શાહ અને દાનિયા ગોદિલે અનુક્રમે બોયઝ અને ગર્લ્સ ટાઇટલ જીત્યા હતા.

અંડર-13 ગર્લ્સમાં ધિમહી કાબરાવાલા, અંડર-11 ગર્લ્સમાં પ્રિશા પારેખ, અંડર-9 બોયઝમાં અહાન ગોયલ અને અંડર-9 ગર્લ્સમાં દિવિશા હિંગોરાણીએ ચેમ્પિયન બનવાનો ગૌરવ મેળવ્યો હતો. અંડર-7 બોયઝમાં ભ્રાજ હિંગોરાણીએ પ્રથમ સ્થાન મેળવ્યું હતું.

ડીપીએ બીજી ગુજરાત સ્ટેટ રેન્કિંગ ટેબલ ટેનિસ ટુર્નામેન્ટ – તમામ ફાઇનલના પરિણામો

મેન્સ સિંગલ્સ

• અભિલાષ રાવલે પૂજન ચંદારાણાને 4-3થી હરાવ્યા.
• સ્કોર: 2-11, 3-11, 13-11, 11-9, 6-11, 11-3, 11-6

વિમેન્સ સિંગલ્સ

• આફ્રૈન મુરાદે રિયા જયસ્વાલને 4-1થી હરાવ્યા.
• સ્કોર: 11-5, 12-10, 12-10, 11-13, 11-7

અંડર-19 જુનિયર બોયઝ

• જન્મેજય પટેલે વેદ પંચાલને 3-2થી હરાવ્યા.
• સ્કોર: 11-8, 8-11, 11-6, 9-11, 11-2

અંડર-19 જુનિયર ગર્લ્સ

• મૌબોની ચેટર્જીએ રિયા જયસ્વાલને 4-3થી હરાવ્યા.
• સ્કોર: 11-6, 15-13, 3-11, 9-11, 11-4, 8-11, 11-3

અંડર-17 બોયઝ

• દ્વિજ ભાલોડિયાએ માલવ પંચાલને 3-1થી હરાવ્યા.
• સ્કોર: 9-11, 14-12, 17-15, 11-7

અંડર-17 ગર્લ્સ

• મૌબોની ચેટર્જીએ ચાર્મી ત્રિવેદીને 3-1થી હરાવ્યા.
• સ્કોર: 11-9, 6-11, 11-5, 11-7

અંડર-15 સબ-જુનિયર બોયઝ

• રિયાન શાહે રાજવીર માધવાણીને 3-2થી હરાવ્યા.
• સ્કોર: 9-11, 11-9, 7-11, 11-9, 11-7

અંડર-15 સબ-જુનિયર ગર્લ્સ

• દાનિયા ગોદિલે ખનક શાહને 3-0થી હરાવ્યા.
• સ્કોર: 11-6, 11-5, 11-3

અંડર-13 કેડેટ બોયઝ

• રેહાંશ સિંઘવીએ ધ્રુવ ભાંબણીયાને 3-2થી હરાવ્યા.
• સ્કોર: 11-8, 6-11, 8-11, 11-7, 11-8

અંડર-13 કેડેટ ગર્લ્સ

• ધિમહી કાબરાવાલાએ મિશા લાખાણીને 3-0થી હરાવ્યા.
• સ્કોર: 11-8, 11-6, 11-2

અંડર-11 હોપ્સ બોયઝ

• રેહાંશ સિંઘવીએ પવન કેલ્લાને 3-2થી હરાવ્યા.
• સ્કોર: 11-7, 10-12, 7-11, 13-11, 11-8

અંડર-11 હોપ્સ ગર્લ્સ

• પ્રિશા પારેખે સાનવી ચૌધરીને 3-0થી હરાવ્યા.
• સ્કોર: 11-9, 11-6, 11-5

અંડર-9 હોપ્સ બોયઝ

• અહાન ગોયલે સયાંશ ક્રિસ્ટીને 3-2થી હરાવ્યા.
• સ્કોર: 11-9, 5-11, 11-8, 11-13, 11-9

અંડર-9 હોપ્સ ગર્લ્સ

• દિવિષા હિંગોરાણીએ દુર્વા અપૂર્વ શાહને 3-0થી હરાવ્યા.
• સ્કોર: 13-11, 11-1, 11-9

અંડર-7 હોપ્સ બોયઝ

સંયુક્ત ત્રીજો ક્રમ: પુલકિત ખિયાણી અને વિયાંશ બાગલા

ચેમ્પિયન: ભ્રાજ હિંગોરાણી

રનર્સ-અપ: મહાંક વાઘેલા