સમગ્ર ઇકોસિસ્ટમ સેક્સ અપરાધીઓને પ્રોત્સાહન આપતી હોવાનો ચિન્મયીનો આક્ષેપ

39 વર્ષીય ચિન્માઈ શ્રીપદા મુખ્યત્વે દક્ષિણ ભારતીય ફિલ્મો માટે ગાય છે, 2018માં તેણે 70 વર્ષીય વરાઈમુથુ પર 2005માં સ્વિટ્ઝર્લેન્ડની મુલાકાતમાં રૂમમાં બોલાવવાનો આરોપ મૂક્યો હતો

ચેન્નાઈ
તમિલ ગાયિકા ચિન્મયી શ્રીપદાએ તમિલનાડુના મુખ્યમંત્રી એમકે સ્ટાલિન અને પી ચિદમ્બરમ પર આકરા પ્રહારો કર્યા છે. બંને ગીતકાર વરાઈમુથુ સાથે સ્ટેજ શેર કરી રહ્યા હતા. ચિન્મયીએ 2018માં મિટૂ અભિયાન દરમિયાન વરાઈમુથુ પર જાતીય સતામણીનો આરોપ લગાવ્યો હતો.
તમિલ ગાયિકા ચિન્મયી શ્રીપદાએ તમિલનાડુના મુખ્યમંત્રી એમકે સ્ટાલિન અને પી ચિદમ્બરમ પર આકરા પ્રહારો કર્યા છે. બંને ગીતકાર વરાઈમુથુ સાથે સ્ટેજ શેર કરી રહ્યા હતા. ચિન્મયીએ 2018માં મિટૂ અભિયાન દરમિયાન વરાઈમુથુ પર જાતીય સતામણીનો આરોપ લગાવ્યો હતો.
ચિન્માઈએ લખ્યું, “તમિલનાડુના કેટલાક સૌથી શક્તિશાળી લોકોએ મારી સાથે છેડતી કરનારને પ્લેટફોર્મ આપ્યું, જ્યારે મારા પર પ્રતિબંધ મૂકવામાં આવ્યો. મારી કારકિર્દીના ઘણા વર્ષો વેડફાઈ ગયા. હું આશા રાખું છું કે તેમની સમગ્ર ઇકોસિસ્ટમ કે જે સેક્સ અપરાધીઓને પ્રોત્સાહન આપે છે અને સમર્થન આપે છે, જ્યારે સત્ય બોલતા પ્રમાણિક લોકોને જેલમાં ધકેલી દે છે, તે વિખેરી નાખવાનું શરૂ કરે છે. મારી ઈચ્છા પૂરી ન થાય ત્યાં સુધી હું પ્રાર્થના કરીશ અને પ્રાર્થના કરતી રહીશ – તેમ છતાં હું બીજું કંઈ કરી શકતી નથી.
39 વર્ષીય ચિન્માઈ શ્રીપદા મુખ્યત્વે દક્ષિણ ભારતીય ફિલ્મો માટે ગાય છે. 2018 માં, તેણીએ 70 વર્ષીય વરાઈમુથુ પર 2005 માં સ્વિટ્ઝર્લેન્ડની મુલાકાત દરમિયાન તેણીને રૂમમાં બોલાવવાનો આરોપ મૂક્યો હતો. આ સિવાય તેણે વરાઈમુથુ પર તેની કારકિર્દી બરબાદ કરવાની ધમકી આપવાનો આરોપ લગાવ્યો હતો. વરાઈમુથુ પર આ આરોપો લાગ્યા પછી બીજી ઘણી મહિલાઓએ પણ આવા જ ખરાબ અનુભવો શેર કર્યા. જ્યારે વરાઈમુથુએ આને ટાળવાનો પ્રયાસ કર્યો, ત્યારે ચિન્માઈએ તેને જૂઠો કહ્યો.
મુખ્યમંત્રી સ્ટાલિને પણ 1 જાન્યુઆરી, 2024ના રોજ વરાઈમુથુ સાથે સ્ટેજ શેર કરવા અંગે ટ્વિટ કર્યું હતું. અગાઉ પણ ચિન્માઈએ કમલ હસન અને અન્ય મોટા ચહેરાઓ પર આ આરોપો પર ચૂપ રહેવાનો આરોપ લગાવ્યો હતો. તેણે આ મામલે કાર્યવાહી કરવા માટે સ્ટાલિનને પત્ર પણ લખ્યો છે. તેણે ડીએમકેના અનેક નેતાઓ પર વરાઈમુથુને બચાવવાનો આરોપ લગાવ્યો હતો.