ટોપ-50 દેશોની આ યાદીમાં ભારતનું માત્ર મુંબઈ શહેર જ સ્થાન મેળવવામાં સફળ રહ્યું
ન્યૂયોર્ક
ગ્લોબલ મીડિયા અને હોસ્પિટાલિટી બિઝનેસ ગ્રુપ ‘ટાઈમ આઉટ’ એ વર્ષ 2024માં વિશ્વના શ્રેષ્ઠ શહેરોની યાદી બહાર પાડી છે. જેમાં આ યાદીમાં અમેરિકાનું ન્યુયોર્ક શહેર ટોપ પર રહ્યું છે. જ્યારે ટોપ-50 દેશોની આ યાદીમાં ભારતનું માત્ર મુંબઈ શહેર જ સ્થાન મેળવવામાં સફળ રહ્યું છે.
આ યાદીમાં દક્ષિણ આફ્રિકાનું કેપટાઉન બીજા સ્થાને છે. ત્યારે લંડન ત્રીજા સ્થાને, બર્લિન ચોથા સ્થાને અને મેડ્રિડ પાંચમા સ્થાને છે. આ યાદીમાં સ્થાન મેળવનાર ભારતના એકમાત્ર શહેર મુંબઈને 12મું સ્થાન મળ્યું છે. ન્યુયોર્કને તેના ખોરાક, સાંસ્કૃતિક વિવિધતા અને અદભૂત નાઈટ લાઈફ માટે પ્રથમ સ્થાન મળ્યું છે.
ટાઇમ આઉટે આ વર્ષનું રેન્કિંગ પબ્લિક સરવે અને તેની ઈન્ટરનેશનલ ટીમ વતી આપવામાં આવેલી એક્સપર્ટ ઈનસાઈટ પર આધારિત છે. તેના માટે આશરે 20,000 જેટલા શહેરીજનો પર સરવે કરાયો હતો.
આ છે દુનિયાના ટોપ 20 શહેરો
- ન્યુયોર્ક સિટી, અમેરિકા
- કેપટાઉન, દક્ષિણ આફ્રિકા
- બર્લિન, જર્મની
- લંડન, બ્રિટન
- મેડ્રિડ, સ્પેન
- મેક્સિકો સિટી, મેક્સિકો
- લિવરપૂલ, બ્રિટન
- ટોક્યો, જાપાન
- રોમ, ઇટાલી
- પોર્ટો, પોર્ટુગલ
- પેરિસ, ફ્રાન્સ
- મુંબઈ, ભારત
- લિસ્બન, પોર્ટુગલ
- શિકાગો, અમેરિકા
- માન્ચેસ્ટર, બ્રિટન
- સાઓ પાઉલો, બ્રાઝિલ
- લોસ એન્જલસ, અમેરિકા
- એમ્સ્ટર્ડમ, નેધરલેન્ડ
- લાગોસ, નાઇજીરિયા
- મેલબોર્ન, ઓસ્ટ્રેલિયા
યાદી કેમ બનાવાઈ?
શ્રેષ્ઠ શહેરોની યાદી બનાવવાનો હેતુ વિશ્વના વિવિધ શહેરોમાં રહેવાનો અનુભવ બતાવવાનો અને ત્યાંની અનોખી વસ્તુઓની ઝલક આપવાનો છે. યાદી બનાવવા માટે આ વર્ષે ટાઈમ આઉટે સ્થાનિકોને પણ પૂછ્યું કે તેમનું શહેર તેમને કેવો અનુભવ કરાવે છે અને શું ત્યાં સામાજિક જોડાણો બનાવવાનું સરળ છે.
