ગુજરાતની મહિલા ટીટી ટીમ 38મી નેશનલ ગેમ્સ માટે ક્વોલીફાય

દહેરાદૂન

દેહરાદુન, ઉત્તરાખંડ ખાતે તા. 9 થી 13 ફેબ્રુઆરી 2025 દરમિયાન આયોજિત 38મી નેશનલ ગેમ્સ 2025ના ટેબલ ટેનિસ ઇવેન્ટ માટે ટેબલ ટેનિસ ફેડરેશન ઓફ ઈન્ડિયા દ્વારા ગુજરાતની મહિલા ટીમની ગયા વર્ષના પ્રદર્શનના આધારે પસંદગી કરવામાં આવી છે. 

ગુજરાતની મહિલા ટીમમાં ફીલઝાહ ફાતેમા કાદરી (સુરત), ફ્રેનાઝ ચીપિયા (સુરત), ઓઇશિકિ જોઅરદાર (અમદાવાદ), રિયા જયસ્વાલ (ભાવનગર) અને નામના જયસ્વાલ (ભાવનગર) ગુજરાતનું પ્રતિનિધિત્વ કરશે.

મહાવીર કુંપાવત (એસએજી) અને રુજુલ પટેલ (અરાવલ્લી) અનુક્રમે ટીમના કોચ અને મેનેજર તરીકે રહેશે.

ઉલ્લેખનીય છે કે ગયા વર્ષે ગોવા ખાતે યોજાયેલી 37મી નેશનલ ગેમ્સમાં ફીલઝાહ અને ફ્રેનાઝ વિમેન્સ ડબલ્સ માટે ક્વોલીફાય થયા હતા અને ગુજરાત નું પ્રતિનિધિત્વ કરતા ઐતિહાસિક બ્રોન્ઝ મેડલ જીત્યો હતો.

ઉપરાંત હાલ મા જ સુરત ખાતે પૂરી થયેલી 86મી સિનિયર નેશનલ અને ઇન્ટર સ્ટેટ ટેબલ ટેનિસ ચેમ્પિયનશિપ 2024માં પણ ગુજરાતની મહિલા ટીમએ બ્રોન્ઝ મેડલ જીત્યો હતો.