ગુજરાત રાજ્ય ફૂટબોલ એસોસિએશન દ્વારા આયોજિત GSFA ક્લબ ચેમ્પિયનશિપ 2025 ની U-13 બોયઝ યુથ લીગમાં અમદાવાદની ફ્લોરી સોકર એકેડેમી વિજેતા બની છે. એકેડેમીની ટીમે ટેબલમાં ટોચનું સ્થાન મેળવવા માટે અસાધારણ કુશળતા અને દૃઢ નિશ્ચય દર્શાવ્યો હતો. 19 ટીમો સામે સ્પર્ધા કરીને, એકેડેમીની ટીમે ત્રણ મહિના લાંબી ચેમ્પિયનશિપ દરમિયાન માત્ર એક હાર અને 17 જીત હાંસલ કરી હતી. કોચ પ્રિયંક પટેલ, કિરીટ સોલંકી, દિનેશ પરમાર અને આશુતોષ દવેના માર્ગદર્શન હેઠળ, ટીમનો જુસ્સો અને મહેનત રંગ લાવી, જેના કારણે તેઓ ટેબલ ટોપર્સ બન્યા. બરોડા FA રનર્સ-અપ રહ્યું, જ્યારે નવરચના બરોડા બીજા અને બલપ્રીત સિંહની સુરત અનુક્રમે ત્રીજા રનર્સ-અપ રહ્યા.
