અમદાવાદ
જૂનાગઢની ટેલેન્ટેડ ખેલાડી જેન્સી કાનાબારે કોઇ પણ મુશ્કેલી વિના એસ ટેનિસ એકેડેમી ખાતે રમાયેલી એસ મોલ્કેમ એસએજી એશિયન રેન્કિંગ ગ્રેડ-૧ ટેનિસ ટૂર્નામેન્ટની ગર્લ્સ સિંગલ્સનું ટાઇટલ જીતી લીધું હતું. એકતરફી બનેલા ફાઇનલ મુકાબલામાં જેન્સીએ આરાધ્યા મીનાને ૬-૧, ૬-૧થી પરાજય આપ્યો હતો. જેન્સીએ હરીફ ખેલાડીની વારંવાર સર્વિસ બ્રેક કરીને મેચ પોતાની તરફેણમાં કરી લીધી હતી. બોયુઝ સિંગલ્સમાં ટોચના ક્રમાંકિત લક્ષ્ય ચુકાએ દિવ્ય મલિકને ૬-૩, ૬-૪થી પરાજય આપીને ટાઇટલ પોતાના નામે કરી લીધું હતું. ચેમ્પિયન બનેલા ખેલાડીઓને એસ ટેનિસ એકેડેમીના ફાઉન્ડર પ્રમેશ મોદી અને હેડ કોચ ડિમિટ્રી બાસ્કોવે ટ્રોફીથી સન્માનિત કર્યા હતા.
