અમદાવાદ
અમદાવાદ મેડિકલ એસોસિએશન (AMA) દ્વારા અમદાવાદ મ્યુનિસિપલ કોર્પોરેશન (AMC) અને ઇન્ટરનેશનલ ડાયાબિટીસ ફેડરેશનસાઉથ ઇસ્ટ એશિયા(IDFSEA)ના સહયોગથી અને અમદાવાદ ફેમિલી ફિઝિશિયન એસોસિએશન (AFPA) ના સમર્થનથી, વર્લ્ડ ડાયાબિટીસ ડે નિમિત્તે સવારના સમયે જે સ્થળોએ જાહેર જનતાની અવર-જવર વધુ પ્રમાણમાં રહેતી હોય તેવા સમગ્ર અમદાવાદના ૧૦૩ સ્થળોએ સવારના ૭:૦૦ થી ૮:૦૦ કલાક દરમિયાન ડાયાબિટીસ સ્ક્રીનીંગ અને જાગૃતિ કાર્યક્રમોનું આયોજન કરવામાં આવ્યું હતું. જેમાં પરિમલ ગાર્ડન ખાતે મુખ્ય કાર્યક્રમનું આયોજન કરવામાં આવ્યું હતું, જ્યાં નાગરિકોએ મફત બ્લડ સુગર સ્ક્રીનીંગ, બ્લડ પ્રેશર ચેક-અપ, વરિષ્ઠ ડોકટરો દ્વારા ડાયાબિટીસ જાગૃતિ સંદેશ, ફિટનેસ પાર્ટનર્સ દ્વારા ઝુમ્બા/ફિટનેસ સત્ર અને નિષ્ણાત ડોકટરો દ્વારા જીવનશૈલી અને આહાર અંગે સલાહ જેવી સેવાઓનો લાભ લીધો હતો.
વર્લ્ડ ડાયાબિટીસ ડે નિમિત્તે મુખ્ય કાર્યક્રમ પરિમલ ગાર્ડન ખાતે યોજવામાં આવ્યો હતો. જેમાં શહેરના માનનીય મેયર પ્રતિભા જૈન, અમરાઈવાડીના ધારાસભ્ય ડૉ. હસમુખ પટેલ, AMCના ચીફ મેડિકલ ઓફિસર ડૉ. ભાવિન સોલંકી, AMCના ઉચ્ચ અધિકારીઓ જેમાં ડેપ્યુટી મ્યુનિસિપલ કમિશનર (હેલ્થ) તેમજ હેલ્થ કમિટીના ચેરમેન સહિત ડૉ. બન્સી સબૂ, AFPAના ડૉ. પ્રિતેશ શાહ અને ડૉ. મેહુલ શેલત, ક્યોર સાઇટ હોસ્પિટલના ડૉ. પરિમલ દેસાઈ, ડૉ. મોના દેસાઈ અને ડૉ. આદિત દેસાઈ સહિત અમદાવાદ મેડિકલ એસોસીએસનની વર્કિંગ કમીટીના સભ્યો ઉપસ્થિત રહ્યા હતા. તમામ 103 કેન્દ્રોમાં ઉત્તમ વ્યવસ્થાપન, સંકલન અને શહેરીજનોમાં જાગૃતિ લાવવા અંગેનું કાર્ય ડૉ. પ્રજ્ઞેશ વછરાજાણીએ સંભાળ્યું હતું.
