અમદાવાદ
ટેનિસ પ્રીમિયર લીગ (TPL) સીઝન 7 ના ત્રીજા દિવસે ગુરુવારે ગુજરાત યુનિવર્સિટી ટેનિસ સ્ટેડિયમ ખાતે ગુજરાત પેન્થર્સે ટુર્નામેન્ટમાં પોતાનો પ્રથમ વિજય નોંધાવ્યો, જ્યારે જીએસ દિલ્હી એસીસે ટેબલમાં ટોચ પર પોતાની પકડ મજબૂત કરી. યશ મુંબઈ ઇગલ્સ અને એસજી પાઇપર્સે પણ પોતપોતાની મેચ જીતી.
યશ મુંબઈ ઇગલ્સ અને હૈદરાબાદ સ્ટ્રાઇકર્સે દિવસની શરૂઆત કરી. કેરોલ મોનેટે મહિલા સિંગલ્સ મેચમાં રિયા ભાટિયા પર 16-9 થી વિજય સાથે સ્ટ્રાઇકર્સને મજબૂત શરૂઆત અપાવી. જોકે, રિયા ભાટિયા અને નિકી પૂનાચાએ મિક્સ્ડ ડબલ્સમાં કેરોલ મોનેટ અને વિષ્ણુ વર્ધન સામે 15-10 થી જીત મેળવીને વાપસી કરી.
પુરુષોની સિંગલ્સ કેટેગરીમાં, દામીર ઝુમહુરે પેડ્રો માર્ટિનેઝને 16-9 થી હરાવીને ટુર્નામેન્ટમાં પોતાનો પહેલો વિજય નોંધાવ્યો. વિષ્ણુ વર્ધન અને પેડ્રો માર્ટિનેઝેની જોડીએ દામીર ઝુમહુર અને નિકી પૂનાચા સામે 13-12 થી જીત મેળવી, છતાંં યશ મુંબઈ ઇગલ્સે 52-48 થી વિજય મેળવ્યો.
દિવસની બીજી મેચમાં, ગુજરાત પેન્થર્સનો સામનો રાજસ્થાન રેન્જર્સ સામે થયો. મહિલા સિંગલ્સમાં, એકટેરીના કાઝિઓનોવાએ નુરિયા બ્રાન્કાસિઓ પર 16-9 થી વિજય મેળવ્યો. ત્યારબાદ એકટેરીના કાઝિઓનોવાએ મિક્સ ડબલ્સમાં દક્ષિણેશ્વર સુરેશ સાથે જોડી બનાવીને નુરિયા બ્રાન્કાસિઓ અને અનિરુદ્ધ ચંદ્રશેખર સામે 13-12 થી જીત મેળવી, જેનાથી રાજસ્થાન રેન્જર્સ આગળ વધવામાં મદદ મળી.
પુરુષોની સિંગલ્સ મેચમાં વિશ્વના 46મા ક્રમાંકિત એલેક્ઝાન્ડર મુલરે વિશ્વના 26માં ક્રમાંકિત લુસિયાનો દાર્ડેરી સામે 17-8 થી જીત મેળવી. એલેક્ઝાન્ડર મુલર અને અનિરુદ્ધ ચંદ્રશેખરે મેન્સ ડબલ્સમાં દક્ષિણેશ્વર સુરેશ અને લુસિયાનો દરડેરી સામે 14-11થી જીત મેળવી હતી, જેના કારણે ગુજરાત પેન્થર્સે 52-48 થી સિઝનની પોતાની પહેલી જીત નોંધાવી હતી.
દિવસની ત્રીજી મેચમાં, એસજી પાઇપર્સનો સામનો ચેન્નાઈ સ્મેશર્સ સામે થયો. મહિલા સિંગલ્સમાં, ઇરિના બારાએ શ્રીવલ્લી ભામિદિપતિને 13-12 થી હરાવી. જોકે, મિક્સ્ડ ડબલ્સમાં, શ્રીવલ્લી ભામિદિપતિ અને રોહન બોપન્નાએ જોરદાર પ્રતિક્રિયા આપી, ઇરિના બારા અને ઋત્વિક ચૌધરી બોલીપલ્લીને 16-9 થી હરાવ્યા.
પુરુષોના સિંગલ્સમાં, રામકુમાર રામનાથને દાલીબોર સ્વર્સીનાને 13-12 થી હરાવ્યા. પુરુષોના ડબલ્સમાં, દાલીબોર સ્વરસીના અને ઋત્વિક ચૌધરી બોલીપલ્લીએ રોહન બોપન્ના અને રામકુમાર રામનાથનને 15-10 થી હરાવ્યા, છતાં એસજી પાઇપર્સે 51-49 થી વિજય મેળવ્યો.
દિવસની છેલ્લી મેચમાં, બીજા દિવસે પોઈન્ટ્સ ટેબલમાં ટોચ પર રહેલી જીએસ દિલ્હી એસિસનો ગુડગાંવ ગ્રાન્ડ સ્લેમર્સ સામે સામનો થયો. મહિલા સિંગલ્સમાં, સોફિયા કોસ્ટાલોસે સહજા યમલાપલ્લીને 16-9 થી હરાવી. મિક્સ ડબલ્સ મેચમાં, સોફિયા કોસ્ટાલસ અને જીવન નેદુન્ચેઝિયાની જોડીએ સહજા યમલાપલ્લી અને શ્રીરામ બાલાજીને 15-10થી હરાવી હતી.
પુરુષોની સિંગલ્સમાં, ડેન ઇવાન્સે બિલી હેરિસ સામે 13-12થી ખૂબ જ રોમાંચક રીતે મેચ જીતી. ત્રીજા દિવસની રમતના અંતે, ડેન ઇવાન્સ અને શ્રીરામ બાલાજીએ જીવન નેદુન્ચેઝિયાન અને બિલી હેરિસને 14-11થી હરાવ્યા. જોકે, GS દિલ્હી એસિસે 54-46થી જીત સાથે ટોચ પર રહેવાનો સિલસિલો યથાવત્ રાખ્યો.
ટીપીએલને અલગ-અલગ જનરેશનના ખેલાડીઓનું સમર્થનઃ દામીર ડઝુમ્હુર
અમદાવાદ
ટેનિસ પ્રીમિયર લીગ (TPL) ની 7મી સીઝન લીગની વધતી જતી આંતરરાષ્ટ્રીય ઓળખને અલગ – અલગ જનરેશનના ખેલાડીઓ દ્વારા મજબૂત માન્યતા મળી છે. અનુભવી ખેલાડીઓથી લઈને ઉભરતી પ્રતિભા સુધી, TPL નું આકર્ષક ફોર્મેટ, ભારતની બહાર TPL ની વધતી જતી ઓળખ પાછળના મુખ્ય કારણો તરીકે દર્શાવવામાં આવી રહ્યું છે. આ સિઝનમાં, યશ મુંબઈ ઇગલ્સનું પ્રતિનિધિત્વ કરતા ભૂતપૂર્વ વિશ્વ નંબર 23 દામીર ડઝુમ્હુર અને ચેન્નાઈ સ્મેશર્સ માટે રમતા યુવા ખેલાડી દાલિબોર સ્વર્સીનાએ ટુર્નામેન્ટના તેમના પ્રારંભિક અનુભવો અને TPL ની વધતી જતી વૈશ્વિક ઓળખ પરના તેમના વિચારો શેર કર્યા.
કાર્લોસ અલ્કારાઝ સહિત વિશ્વના સૌથી મોટા સ્ટેજ પર ટોચના વિરોધીઓ સામે રમી ચૂકેલા લીગના સૌથી અનુભવી નામોમાંના એક, 33 વર્ષીય દામીર ડઝુમ્હુરે કહ્યું કે, એક ટીમમાં રહેવાની ખૂબ મજા આવે છે. હું પોતે મારા દેશ (બોસ્નિયા અને હર્ઝેગોવિના) માટે 15 વર્ષ સુધી ડેવિસ કપ રમ્યો છું, તેથી મને ખરેખર એક ટીમ તરીકે સાથે કામ કરવાનો આનંદ આવે છે.”
પ્રથમ વખત TPLનો અનુભવ કરી રહેલા આંતરરાષ્ટ્રીય ખેલાડીઓની યુવા પેઢીનું પ્રતિનિધિત્વ કરતા, દાલિબોર સ્વર્સીનાએ કહ્યું કે ” એક ટીમ તરીકે, અમે સકારાત્મક આંકડા જોઈ રહ્યા છીએ. હવે મારું લક્ષ્ય મારી ટીમને સેમિફાઇનલમાં પહોંચવામાં મદદ કરવાનું છે,” 23 વર્ષીય ચેક ખેલાડીએ કહ્યું, જેણે તાજેતરમાં ટોચના 100 રેન્કિંગમાં સ્થાન મેળવ્યું છે.
