અમદાવાદ
ગુજરાત સ્ટેટ ચેસ એસોસિએશન દ્વારા ઓલ ઈન્ડિયા ચેસ ફેડરેશન અને વર્લ્ડ ચેસ ફેડરેશન (FIDE) ના નેજા હેઠળ અને સ્પોર્ટ્સ ઓથોરિટી ઓફ ગુજરાત દ્વારા સમર્થિત કર્ણાવતી ક્લબ ઓલ ઇન્ડિયા ઓપન ક્લાસિકલ ફિડે રેટિંગ ચેસ ટુર્નામેન્ટ-૨૦૨૫ના પ્રથમ રાઉન્ડ પૂર્ણ થયા પછી, ગુજરાતના જયેશ રામાનુજ (ELO ૧૮૧૫) ૧ પોઇન્ટ સાથે આગળ છે. મહારાષ્ટ્રના નિર્વાણ એન. શાહ અને ગુજરાતના અયાન મોજાનીદાર ૧ પોઇન્ટ સાથે બોર્ડ પર બીજા અને ત્રીજા સ્થાને રહ્યા છે.
ભારતના વિવિધ રાજ્યોમાંથી કુલ ૫૫૪ ખેલાડીઓ આ પ્રતિષ્ઠિત ટુર્નામેન્ટમાં ભાગ લઈ રહ્યા છે. ચેસના FIDE કાયદા દ્વારા કુલ 9 રાઉન્ડ રમાશે જેમાં 90 મિનિટનો સમય નિયંત્રણ અને પ્રથમ મુવથી 30 સેકન્ડનો વધારાનો સમય રહેશે. વિજેતાઓને વિવિધ શ્રેણીઓમાં રૂ. 5 લાખનું રોકડ ઇનામ આપવામાં આવશે.
૧૮.૧૨.૨૦૨૫ ના રોજ સવારે ૯:૦૦ વાગ્યે યોજાયેલ ઉદ્ઘાટન સમારોહમાં તેલંગાણા રાજ્યના કે. એસ. પ્રસાદ (ચેસ ઇન સ્કૂલ્સ કમિશન, AICF ના અધ્યક્ષ) ખાસ હાજર રહ્યા હતા. પ્રસાદની સાથે, દેવ પટેલ (માનદ સચિવ, AICF) અને (પ્રમુખ, GSCA), ભાવેશ પટેલ (GSCA) પણ ઉદ્ઘાટન સમારોહ દરમિયાન હાજર રહ્યા હતા.
