દિવાન બલ્લુભાઈ કપ અન્ડર-19 (મલ્ટી-ડે) ટુર્નામેન્ટની ક્વાર્ટર ફાઈનલમાં હીરામણિ સ્કૂલનો વિજય

ડાબેથી ક્રિષ્ના પટેલ, હર્ષરાજ રાઠોડ, સ્મિત દેસાઈ, રાજ રાઘવની, નિહાલ પટેલ

દિવાન બલ્લુભાઈ કપ અન્ડર-19 (મલ્ટી-ડે) ક્રિકેટ ટુર્નામેન્ટની ક્વાર્ટર ફાઈનલમાં સેન્ટ ઝેવિયર્સ સ્કૂલે ટોસ જીતીને પ્રથમ બેટિંગ લીધી અને 37.4 ઓવર્સમાં 10 વિકેટે 87 રન કર્યા હતા. જેમાં નિહાલ પટેલે 6.4 ઓવરમાં 15 રન આપીને 3 વિકેટ, રાજ રાઘવાનીએ 9 ઓવરમાં 19 રન આપીને 2 વિકેટ અને રુદ્ર પટેલે 5 ઓવરમાં 11 રન આપીને 2 વિકેટ લીધી હતી.

હીરામણિ સ્કૂલે 68.3 ઓવરમાં 10 વિકેટે 328 રન કર્યા હતાં.  જેમાં હર્ષરાજ રાઠોડે
165 બોલમાં 157 રન, ક્રિષ્ના પટેલે 70 બોલમાં 55 રન અને રાજ રાઘવાનીએ 35 બોલમાં
43 રન કર્યા હતા.

સેન્ટ ઝેવિયર્સ સ્કૂલે બીજા દાવમાં 26 ઓવરમાં 7 વિકેટે 150 રન કર્યા હતાં, જેમાં રાજ રાઘવાનીએ 8 ઓવરમાં 57 રન આપીને 3 વિકેટ, સ્મિત દેસાઈએ 10 ઓવરમાં 36 રન આપીને 3 વિકેટ લીધી હતી. આમ હીરામણિ સ્કૂલ પ્રથમ દાવની સરસાઈને આધારે વિજેતા બની હતી.

આ મેચમાં વિજય થવા બદલ સમગ્ર ટીમને અને કોચને સાંસદ-રાજ્યસભા (ગુજરાત) અને સંસ્થાના પ્રમુખ નરહરી અમીન, મેનેજિંગ ટ્રસ્ટી ડૉ.વરુણ અમીન અને સંસ્થા સી.ઈ.ઓ. ભગવત અમીને અભિનંદન પાઠવ્યા હતાં.