મહેસાણા
ગુજરાત સ્ટેટ ફૂટબોલ અસોશિએશન દ્વારા આયોજિત 34 મી જુનીયર બલરામ ક્ષત્રિય મેમોરિયલ ટ્રોફી 2025માં આજની મેચોનાં પરિણામઃ છોટાઉદેપુરે સાસ્વત પાંડેના 2 ગોલ અને મયુર કુમાર રાઠવાના 2 ગોલની મદદથી મહેસાણાને 4-1 થી પરાજય આપ્યો હતો. મહેસાણાના રુદ્રકુમાર પટેલે 1 ગોલ કકર્યો હતો.
બીજી મેચમાં દેવભૂમિ દ્વારિકાની ટીમે રાજવીરસિંહ જાડેજાના 2 ગોલ, સત્યમ ચૌબેના 1 ગોલની મદદથી દાહોદને 3-1 થી મહાત આપી હતી. દાહોદના દ્રોના ઉદવાણી એ 1 ગોલ કર્યો હતો.
આજની ત્રીજી મેચમાં સુરતે જતિન સોનવાણીના 2 ગોલ, આરુષ મહેતા અને તન્મય કુમારના 1-1 ગોલની મદદથી ભાવનગર પર 4-2 થી વિજય મેળવ્યો હતો. ભાવનગરના ઇબ્રાહિમ દીવાને 2 ગોલ ફટકાર્યા હતા.
ચોથી મેચમાં અમદાવાદની ટીમે કબીર વાઘેલા, પર્વ નાયક અને ઓમ શાહના 1-1 ગોલની મદદથી જુનાગઢને 3-1 થી હાર આપી હતી.જુનાગઢના રાઘવ પોરવાલે 1 ગોલ કર્યો હતો.
10 જુલાઈ ના રોજ 4 મેચ રમાશે. છોટાઉદેપુર અને ખેડા, દાહોદ અને જામનગર, ભાવનગર અને મોરબી તથા અમદાવાદ અને બનાસકાઠા વચ્ચે મેચ રમાશે.
