ભારતમાં ડિજિટલ સમાવેશને વેગ મળશે, ફીચર ફોન માટેનું પ્રથમ વ્યાપક મોબાઈલ બેંકિંગ સોલ્યુશન મુંબઈ બેંક ઓફ બરોડા અને રિલાયન્સ જિયોએ આજે ‘બોબ વર્લ્ડ લાઇટ’ લોન્ચ કરવા માટે ભાગીદારીની જાહેરાત કરી છે, જિયોફોન પ્રાઇમા 4G ડિવાઇસ પર ઉપલબ્ધ આ એપ્લિકેશન ખાસ કરીને ફીચર ફોન વપરાશકર્તાઓ માટે તૈયાર કરવામાં આવેલી પ્રથમ વ્યાપક મોબાઈલ બેંકિંગ એપ છે. ભારત સરકાર અને રિઝર્વ બેંક ઓફ ઈન્ડિયાના સર્વસમાવેશક અભિગમને પ્રોત્સાહન આપવા અને ફીચર ફોન વપરાશકર્તાઓ માટે ડિજિટલ પેમેન્ટ્સ સુલભ બનાવવાના વિઝનને અનુરૂપ આ ક્ષેત્રની પ્રથમ પહેલ દેશભરના કરોડો લોકો સુધી અડચણ વગરની અને વ્યાપક ડિજિટલ બેંકિંગ સેવાઓ પહોંચાડશે. આ એપ બેંક ઓફ બરોડાના વર્તમાન ગ્રાહકો તેમજ અન્ય કોઈપણ બેંકના ગ્રાહકો માટે એક સરળ અને અનુકૂળ જાતે ઉપયોગમાં લઈ શકે તેવી પ્રક્રિયા થકી ઉપલબ્ધ થશે. સ્માર્ટફોન પર જ ચાલતી પરંપરાગત મોબાઈલ બેંકિંગ એપ્સથી વિપરીત, બોબ વર્લ્ડ લાઇટ એપ સસ્તા ફીચર ફોન પર રોજિંદી બેંકિંગ સેવાઓની સંપૂર્ણ સુવિધા પૂરી પાડવા માટે તૈયાર કરવામાં આવી છે, જેનાથી અર્ધ-શહેરી અને ગ્રામીણ ભારતમાં તેની પહોંચનો વિસ્તાર થશે. આ એપ હળવા અને ઓછા બેન્ડવિડ્થવાળા માળખા પર આધારિત છે, જે કીપેડ નેવિગેશન અને સુરક્ષિત એક્સેસની સુવિધા આપે છે, જેનાથી ડિજિટલ બેંકિંગ સરળ, અવરોધરહિત અને સુલભ બને છે. બોબ વર્લ્ડ લાઇટ મોબાઈલ બેંકિંગ એપ હાલમાં યુપીઆઇ આધારિત સ્કેન એન્ડ પે તથા પૈસા મોકલવા, બિલ પેમેન્ટ અને રિચાર્જ તેમજ પ્રોફાઇલ મેનેજમેન્ટ જેવી સુવિધાઓ આપે છે, જેમાં આગામી સમયમાં વધુ સુવિધાઓ ઉમેરવામાં આવશે. આ ભાગીદારી હેઠળ આ એપ જિયોફોન પ્રાઇમા 4G ડિવાઇસિસમાં પહેલેથી ઇન્સ્ટોલ કરેલી આવશે અને હોમ સ્ક્રીન પરથી સીધી જ એક્સેસ કરી શકાશે. હાલના જિયોફોન પ્રાઇમા 4G વપરાશકર્તાઓ જિયોસ્ટોર પરથી ‘બોબ વર્લ્ડ લાઇટ’ એપ મેળવી શકે છે. આ ભાગીદારી વિશે વાત કરતા, બેંક ઓફ બરોડાના મેનેજિંગ ડિરેક્ટર અને CEO ડૉ. દેબદત્ત ચંદે જણાવ્યું હતું કે, “બેંક ઓફ બરોડામાં ડિજિટલ સમાવેશીકરણને વેગ આપવો એ અમારી મુખ્ય પ્રાથમિકતા રહી છે. હાલમાં બોબ વર્લ્ડ મોબાઈલ બેંકિંગ રિટેલ ગ્રાહકોને સેવા આપે છે અને બોબ વર્લ્ડ બિઝનેસ મર્ચન્ટ્સ, એસ.એમ.ઇ. અને કોર્પોરેટ ગ્રાહકોને સેવા પૂરી પાડે છે. બોબ વર્લ્ડ લાઇટ લોન્ચ કરવા માટે જિયો સાથેની અમારી ભાગીદારી એ સ્માર્ટફોન ઇકોસિસ્ટમની બહાર ડિજિટલ બેંકિંગનો વિસ્તાર કરવા તરફનું એક મહત્વપૂર્ણ પગલું છે.” આ ભાગીદારી અંગે બોલતા રિલાયન્સ જિયો ઇન્ફોકોમ લિમિટેડના પ્રેસિડેન્ટ ડૉ. (માનદ) સુનીલ દત્તે જણાવ્યું હતું કે, “જિયોમાં અમારું ધ્યાન હંમેશા દરેક ભારતીય સુધી ડિજિટલ સેવાઓની પહોંચ વિસ્તારવા પર રહ્યું છે, જેમાં વ્યાપક સ્તર અને પરવડે તેવી કિંમત કેન્દ્રસ્થાને છે. જિયોફોને આ વિઝનને સાકાર કરવામાં મુખ્ય ભૂમિકા ભજવી છે, જેણે ભારતભરના લાખો વપરાશકર્તાઓના હાથમાં સસ્તા ઉપકરણો અને ડિજિટલ સેવાઓ પહોંચાડી છે, સાથે જ તે ડિજિટલ લોકશાહીકરણ અને સમાવેશીકરણ માટે એક શક્તિશાળી સાધન તરીકે પણ કામ કરી રહ્યું છે. “ દેશભરમાં જિયોની ડિજિટલ પહોંચ અને હાજરી તેમજ બેંક ઓફ બરોડાના મજબૂત રાષ્ટ્રવ્યાપી નેટવર્ક, વૈવિધ્યસભર ગ્રાહક આધાર અને સર્વસમાવેશક, સુલભ તથા પરવડે તેવી બેંકિંગ પ્રત્યેની પ્રતિબદ્ધતાનો લાભ આપતી આ પહેલથી સમગ્ર ભારતમાં ડિજિટલ બેંકિંગ સેવાઓના વ્યાપમાં નોંધપાત્ર વધારો થવાની અપેક્ષા છે.
